OpenCorporates.al

I. Kapitali themeltar is shoqërisë në momentin e themelimit ishte 1.000.000 lekë. (Kapitali i rritur i shoqërisë, sipas kontratës së konçesionit, do të jetë 9.375.000 euro)

II. Më datë 15.02.2005, me vendim të asamblesë së përgjithshme, u miratua shlyerja e kapitalit të deklaruar të shoqërisë Tirana Airport Partners TAP (prej 614.700 euro) nga ortakët HTA dhe AAEF në përputhje me detyrimet që rrjedhin nga kontrata e konçesionit (neni 3.1, kushtet paraprake të shoqërisë).

a) Shuma prej 423.000 euro është shlyer nga ortaku Hochtief Airport GmbH HTA dhe

b) Shuma prej 191.700 euro është shlyer nga ortaku Albanian-American Enterprise Fund AAEF

III. Më datë 26.03.2005, me vendim të asamblesë së përgjithshme, u miratua rritja e kapitalit të shoqërisë me shumën prej 285,300 (dyqind e tetëdhjetë e pesë mijë e treqind) euro, që përfaqëson pagesën e shoqërisë Deutsche Investitions-und Entwicklungsgesellschaft mbH DEG në rritjen e kapitalit në përpjesëtim me pjesët e DEG-ut në shoqëri, sipas Marrëveshjes Financuese të ortakeve, datë 5 shkurt 2005.

IV. Më datë 19.09.2005, me vendim të asamblesë së përgjithshme, u miratua rritja e kapitalit të shoqërisë me shumën prej shumën prej 2.436.865 euro ose 300.532.036 lekë. Kapitali pas rritjes arrin vlerën 3.336.788 euro ose 414.700.081 lekë. Kapitali u rrit si pasojë e kontributit të ortakëve si më poshtë:

a) Shlyerja e kapitalit të deklaruar nga HTA, me një shumë prej 1.145.374 euro ose 140.318.970 lekë.

b) Shlyerja e kapitalit të deklaruar nga DEG me shumën prej 772.518 euro ose 95.630.003 lekë.

c) Shlyerja e kapitalit të deklaruar nga AAEF me një shumë prej 519.073 euro ose 64.583.063 lekë.

V. Më datë 16.02.2006, me vendim të asamblesë së përgjithshme, u miratua rritja e kapitalit të shoqërisë me shumën prej 1.500.000 euro ose 183.000.000 lekë, nëpërmjet kontributit të ortakëve të shoqërisë sipas përqindjes së zotërimit të tyre në kapitalin themeltar. Kapitali pas rritjes do të jetë 4.836.965 lekë ose 597.722.104 lekë.

VI. Më datë 22.02.2007, asambleja e ortakëve ka miratuar korrigjimin e vendimit të asamblesë, datë 25.05,.2005, duke ndryshuar të dhënat për rritjen e tretë të kapitalit të shoqërisë si më poshtë:

a) Miratimi i rritjes së kapitalit të shoqërisë që me një shumë prej 2.436.965 euro ose 300.544.288 lekë.

b) Shlyerja e kapitalit të deklaruar nga HTA, me një shumë prej 1.145.374 euro ose 140.331.222 lekë

Miratimi i korrigjimit të regjistrimit të rritjes së tretë të kapitalit të shoqërisë në vendimin e asamblesë, datë 07.12.2005, duke ndryshuar të dhënat për rritjen e kapitalit të TAP-it me një shumë prej 1.500.000 euro ose 185.450.895 lekë. Kapitali pas rritjes do të jetë 4.836.965 ose 600.172.999 lekë.

VII. Më datë 22.02.2007, me vendim të asamblesë së përgjithshme, është miratuar rritja e katërt e kapitalit të shoqërisë nëpërmjet kontributit të ortakëve të shoqërisë. Kapitali pas rritjen arrin vlerën 6.336.965 euro ose 784.739.869 lekë.

VIII. Më datë 03.04.2007, me vendim të asamblesë së përgjithshme, u miratua rritja e pestë e kapitalit të shoqërisë nëpërmjet kontributit të ortakëve të shoqërisë. Kapitali pas rritjes arrin vlerën 7.836.965 euro ose 969.417.319 lekë.

IX. Më datë 10.07.2007, me vendim të asamblesë së ortakëve, u miratua rritja e gjashtë e kapitalit të shoqërisë nëpërmjet kontributit të ortakëve të shoqërisë. Kapitali i TIA pas zmadhimit arrin shumën 9.375.000 euro ose 1.161.148.885 lekë.

X. Më datë 29.07.2016, me vendim të asamblesë së përgjithshme, u miratua mbajtja e fitimit të vitit ushtrimor 2015 për investime në shoqëri dhe asnjë divident nuk u shpërnda ndërmjet ortakëve.

XI. Më datë 22.05.2018, me vendim të asamblesë së përgjithshme, fitimet e mbajtura/akumuluara në shumën prej 1.153.254 euro dhe fitimi i vitit financiar 2017 në shumën prej 16.882.315 Euro të alokohen si më poshtë:

a) Divident në shumën prej 15.000.000 euro.

b) Fitimi i mbajtur në shumën prej 3.035.669 euro.

I. Më datë 15.06.2005, me vendim të asamblesë së përgjithshme, u miratua largimi nga detyra e administratorëve Reinhard Kalenda dhe Hans-Jurgen Garbotz dhe u emërua Znj. Anduena Stephan në cilësinë e administratorit të përgjithshëm të shoqërisë dhe Z. Ihsan Llagami si kryefinancier i shoqërisë.

II. Më datë 13.04.2006, me vendim të asamblesë së përgjithshme, u largua Znj. Anduena Stephan nga posti i administratorit dhe u emërua Z. Constantin von Alvensleben, me cilësinë e administratorit të ri të përgjithshëm të shoqërisë.

III. Më datë 16.07.2007, me vendim të asamblesë së përgjithshme, u largua nga detyra e administratorit Z. Costandin von Alvensleben me efekt nga data 31.07.2007 dhe u emërua administratore e shoqërisë znj. Andrea Gebbeken me efekt nga data 01.08.2007.

IV. Më datë 20.05.2013, me vendim të asamblesë së përgjithshme, nga data 01.06.2013 shoqëria do të përfaqësohet nga Z. Rolf Castro-Vasquez me cilësinë e administratorit të përgjithshëm.

V. Me date 28.08.2019, me vendim te asamblese se ortakeve, u largua nga detyra administratori Rolf Castro-Vasquez dhe u emerua si administrator i ri JOACHIM CHRISTOPH CONSTANTIN DR.VON ALVENSLEBEN.

VI. Me date 29.06.2022, me vendim te asamblese se ortakeve, u largua nga detyra administratori JOACHIM CHRISTOPH CONSTANTIN DR.VON ALVENSLEBEN dhe u emerua si administratore e re Erinda Xhaferraj, per nje periudhe 5 vjecare.

VII.Sipas Vendimit te Asamblese se Pergjithshme date 16.05.2023, eshte larguar administratorja Erinda Xhaferraj dhe jane emeruar administratore te shoqerise Marsida Pallko dhe Piervittorio Farabbi.

Më datë 07.12.2006, me vendim të asamblesë së përgjithshme, u ndryshua emri i shoqërisë dhe emri tregtar nga “Tirana Airport Partners shpk” në “Tirana International Airport shpk”.

Asambleja ka vendosur gjithashtu ndryshimin e shkurtimit të emrit të shoqërisë nga “TAP” në “TIA”.

Me datë 27.11.2013 është lëshuar nga regjistri tregtar B i Gjykatës se Essenit, Gjermani vërtetimi i ndryshimit të emrit të shoqërisë zotëruese nga Hochtief AirPort GmbH në AviAlliance GmbH.

I. Sipas vendimit të Gjykatës së Shkallës së Parë Tiranë, nr. 32147, datë 20.09.2004, ortakët fillestarë të Tirana Airport Partners shpk (TAP) ishin:

a) HOTCHTIEF Airport GmbH zotëron 78.7% të kapitalit themeltar

b) Albanian-American Enterprise Fund zotëron 21.3% të kapitalit themeltar.

II. Më datë 14.10.2004, me anë të vendimit nr. 32147/1 të Gjykatës së Shkallës së Parë Tiranë, datë 14.10.2004, u pranua shoqëria DEG (Deutsche Investitions-und Entwicklungsgesellschaft mbH) si ortak duke blerë 31,7 % të kapitalit që zotëronte HOCHTIEF Airport GmbH në shoqërinë Tirana Airport Partners (TAP) sh.p.k. Pas shitjes shoqëria Hochtief Airport GmbH kishte 47% të kuotave të kapitalit themeltar.

III. Më datë 13.04.2005, me anë të marrëveshjes së shitjes me kusht, të datës 08.04.2005, të nënshkruar nga ortakët e shoqërisë TAP, totali i kuotave të kapitalit themeltar, që përbën 100% të kapitalit të shoqërisë, mund të transferohen nga ortakët tek Banka Europiane për Rindërtim dhe Zhvillim (BERZH) nëse plotësohen kriteret sipas marrëveshjes.

IV. Më datë 06.10.2016, me anë të marrëveshjes për zgjidhjen e kontratës, u realizua zgjidhja e marrëveshjes së shitjes me kusht Nr.1764 Rep, Nr.246/2 Kol, lidhur më datë 08.04.2005.

V. Më datë 04.11.2016, me anë të aktit të transferimit të kuotave, datë 06.10.2016, ortakët e shoqërisë kanë rënë dakord për shitjen e 100% të kuotave të zotëruara prej tyre në favor të shoqërisë REAL FORTRESS PRIVATE LIMITED me çmimin e blerjes për të cilin kanë rënë dakord prej 82.250.000 euro, e ndarë nga ortakët "Albanian-American Enterprise Fund "AAEF" 17.519.250 euro, "DEG Deutsche investitions-und Entwicklungsgesellschaft gmbH" 26.073.250 euro, dhe "AviAlliance GmbH" 38.657.500 euro.

VI. Me date 01.12.2020, me ane te marreveshjes se blerjes se aksioneve, shoqeria Real Fortress Private Limited shet 100% te kuotave qe zoteron te TIA shpk ne favor te shoqerise KASTRATI GROUP, kundrejt cmimit 71.000.000 (shtatedhjete e nje milion) euro. Pagesa sipas kesaj marreveshje do te jete nje shume e barabarte me: 15.000.000 (pesembedhjete milion) euro - pagesa fillestare dhe 56.000.000 (pesedhjete e gjashte milion) euro – shuma e mbylljes.

VII. Me date 12.05.2022, me ane te kontrates se shitjes se kuotave, shoqeria KASTRATI GROUP (Ish KASTRATI SHA) shet 100% te kuotave qe zoteron te TIA shpk ne favor te shoqerise KASTRATI AVIATION HOLDING, kundrejt cmimit 45.000.000 (dyzet e pese milion ) euro. Pas shitjes se kuotave, largohet si ortak shoqeria KASTRATI GROUP, ndersa shoqeria KASTRATI AVIATION HOLDING behet ortak i vetem i shoqerise.

I. Me date 28.08.2019, u ndryshua objekti i aktivitetit si ne vazhdim: Projektimin, financimin, ndertimin, venien ne pune, mirembajtjen, kryerjen, administrimin dhe zhvillimin e Aeroportit Nderkombetar "Nene Tereza", Tirane, i cili perfshin, nder te tjera: marrjen ne pronesi nga shoqeria te terminalit te ri, zyrave te reja te administrimit, qendres se re te ngarkeses ajrore, qendren e re te furnizimit me karburant (faciliteteve te reja) dhe zoterimi dhe ushtrimi i Uzufruktit nga shoqeria ne lidhje me zonen e koncesionit, terminalit ekzistues, sheshi i terminalit ekzistues si edhe ato facilitete te reja te cilat nuk mund te jene ne pronesi te shoqerise; projektimin, ndertimin dhe instalimin e faciliteteve te reja dhe te faciliteteve te reja shtese; rinovimin dhe mirembajtjen e terminalit ekzistues, sheshit te terminalit egzistues, mjediseve te reja dhe zones se koncesionit; transferimin e te gjitha te drejtave te zbatueshme ne lidhje me facilitetet e reja, qeverise se shqiperise ose nje enti te caktuar nga organi shteteror i autorizuar me mbarimin e afatit ose me mbarimin e periudhes se koncesionit; lidhjen e kontratave me persona te trete, dhe faturimin dhe mbledhjen e pagesave nga palet e treta per llogari te detyrimeve te aeroportit si dhe detyrimeve te tjera te zbatueshme.

II. Me date 24.04.2020, u shtua objekti i aktivitetit me: Ofrimin e trajnimeve per sigurine ne aviacionin civil, per sigurine teknike dhe sektoret e tjere qe kane lidhje me operimin e aeoroportit.

III. Me date 27.01.2021, me vendim te asamblese se ortakeve, u vendos t’i jepet e drajta Z. Joachim Christoph Constantin von Alvensleben ne cilesine e Administratorit te shoqerise TIRANA INTERNATIONAL AIRPORT SHPK qe vetem se bashku me Z. Musa Kastrati, banues ne Tirane, te nenshkruajne transaksione bankare pa asnje kufizim shume.

IV. Me date 17.06.2021, me vendim te asamblese se zakonshme, u miratua destinimi i fitimit per vitin financiar 2020 ne fitime te mbajtura ne shumen 33.870.119 (tridhjete e tre milion e teteqind e shtatedhjete mije e njeqind e nentembedhjete) leke.

[email protected]

003550697087555